Ազգային ժողովի «Պատիվ ունեմ» խմբակցության քարտուղար Տիգրան Աբրահամյանը չի բացառում գործարար Սամվել Կարապետյանի ստեղծած նոր ուժի շուրջ համախմբումը կամ համագործակցությունը։ Նրա խոսքով՝ փաշինյանական արդարադատությունը իրավական հարթության մեջ չի։
«Ամբողջովին մշակվում, գծվում են ու իջեցվում են կառավարության շենքից։ ԲՆականաբար, քաղաքական հիմք ունեցող այս որոշումներով որեւէ իրավական հանգուցալուծում չենք էլ կարող ակնկալել»,-ասաց նա։
Տիգրան Աբրահամյանը նույնպես հուլիսի 9–ին, Երեւանի իրավասության առաջին ատյանի քրեական դատարանի Ավան եւ Նոր Նորք վարչական շրջանների նստավայրի մոտ էր։
Կարդացեք նաև
Ստեղծված իրավիճակում յուրաքանչյուր ոք պետք է կենտրոնանա իր անելիքների վրա՝ համոզված է Տիգրան Աբրահամյանը։ «Ընտրությունների թեման արդիական չի։ Մինչեւ 2026թ-ը կարող եք ունենալ այնպիսի իրավիճակ, որի պայմաններում անդառնալիության կետը հատած լինենք, ու ընտրությունների մասնակցությունը որեւէ խնդիր չփոխի»,-ասաց պատգամավորը։
Տիգրան Աբրահամյանի համոզմամբ՝ նախ ոչ թե անձանց շուրջ են համախմբվում, այլ գաղափարի։
«Հաշվի առնելով Սամվել Կարապետյանի անձն ու նրա հարաբերությունները ՀՀԿ տարբեր դեմքերի, այդ թվում՝ նաեւ ղեկավար Սերժ Սարգսյանի հետ, բնականաբար, կա հնարավորություն առնվազն այս մասով նստելու, խոսելու, քննարկելու եւ այլն, բայց իրադարձություններից առաջ ընկնելու կարիք այս պահին չկա»,- ասաց Աբրահամյանը։
Այլ մանրամասները տեսանյութում
Արմեն ԴԱՎԹՅԱՆ
