-Երեւան քաղաքի քննչական վարչությունում գտնվող անձանց սահմանադրական իրավաբանական օգնության իրավունքն արդեն երեք ժամ է՝ խախտված է: Եթե քննչական կոմիտեն պնդում է, որ այդ մարդիկ ինչ-որ բանի մեջ են կասկածվում, պաշտպանների մուտքն ինչո՞ւ չի ապահովվում վարչություն, ո՞րն է խնդիրը -, այսօր լրագրողներին ասաց ձերբակալված երիտասարդներից Գեղամ Ոսկանյանի շահերի ներկայացուցիչ փաստաբան Վարազդատ Հարությունյանը:
Այս պահին քրեական հետապնդում է հարուցվել երիտասարդներից Անդրանիկի նկատմամբ, որն էլ, ըստ պաշտպանների, strikeball սպորտաձեւի սիրահար է, ՀԷՄ անդամ, ու ինչ հայտնաբերվել է խուզարկությամբ, ըստ Վարազդատ Հարությունյանի, Անդրանիկի աշխատանքային իրերն են. «Փաստաբանները իրավունք պաշտպանելու համար են, ոչ թե նրա համար են, որ քննչական կոմիտեն անձին ձերբակալի, բերի 4-5 ժամ պահի, հենց ցուցմունք վերցնելու, քննչական գործողություններ անելու ժամանակը գա, փաստաբանի ֆորմալ ներկայությունն ապահովելու համար, փաստաբանին հրավիրեն ներս: Փաստաբանը պետք է առաջին իսկ պահից իրավաբանական խորհրդատվություն տալու հնարավորություն ունենա: Մենք հիմա չգիտենք՝ ինչ է տեղի ունենում մեր պաշտպանյալների հետ: Չեմ հասցրել պաշտպանյալիս հետ ծանոթանամ ու հասկանամ՝ ինչ է տեղի ունենում…ակնհայտ է միտումը, որ քննչական կոմիտեն ցուցմունք լսելու, դրանից օբյեկտիվ իրականություն պարզելու եւ ըստ դրա առաջնորդվելու որեւէ նպատակ չունի: Նպատակը շոուն կազմակերպելն է, որ գնան հանրայինի եթերներից ասեն՝ ահա՜, սա էլ երկրորդ ահաբեկչական գործողությունը կամ կապեն Բագրատ սրբազանի ինչ-որ գործի հետ»:
Կարդացեք նաև
Արփինե ՍԻՄՈՆՅԱՆ
