«Բազմիցս ականատես ենք եղել, որ վարչապետի պաշտոնը զբաղեցնող անձի՝ կառավարության նիստի ժամանակ ինչ-որ խոսույթից հետո անձանց են ձերբակալում, ԱԺ հայտարարություններից հետո են անձանց ձերբակալում։ էս ամենն ուղղակի, թե անուղղակի ցուցում է»,- մամուլի ասուլիսի ժամանակ ահազանգեց փաստաբան Սերգեյ Հարությունյանը։
Ըստ փաստաբանի՝ այս ամենը մատուցվում է՝ իբրեւ ահաբեկչական խմբավորում են վնասազերծում․ «Հող են ստեղծելու Դաշնակցական պատգամավորների նկատմամբ քայլեր ձեռնարկելու և Դաշնակցության փակելու հետ կապված իրենց և հարևան երկու երկրների երազանքն ի կատար ածելու․․․ Քննիչը որքան էլ այդ րոպեին հասկանա, որ իրականում դաշնակցական տղաները որևէ ապօրինի բան չեն արել, չնայած արդարացում չկա, բայց այնպիսի մթնոլորտ է ձևավորվել, որ քննիչը կաշկանդված է։ Իրավապահ համակարգը դառնում է բռնության մեքենա՝ ոստիկանությունը՝ ցույցերի ժամանակ, քննիչները՝ նման գործերով… Մենք այլևս բռնապետության մեջ ենք, դրա համար եմ ասում, որ հայտնվել ենք անզորության մեջ»։
Փաստաբանը նաև մտահոգություն հայտնեց այն մասին, որ արդեն նախօրոք իմանում են, թե կալանքի վերաբերյալ բողոքները կոնկրետ որ դատավորներին են մակագրելու։
Կարդացեք նաև
Տաթև ՀԱՐՈՒԹՅՈՒՆՅԱՆ
Լուսանկարը՝ «Սպուտնիկ-Արմենիայի»
