Թուրքիայի նախագահի հետ հանդիպումից Նիկոլ Փաշինյանի տպավորությունները դրական են․ այս մասին այսօր կայացած ասուլիսում հայտարարեց նա՝ պատասխանելով լրագրողի հարցին։
«Ես Թուրքիա գնացել էի ոչ թե հայ-թուրքական օրակարգով, այլ ՀՀ-Թուրքիա հարաբերությունների օրակարգով․ սա շատ կարեւոր նրբություն է։ Իհարկե, ես Թուրքիայի նախագահին շնորհակալություն եմ հայտնել հրավերի, բաց ու անկեղծ խոսակցության համար։ Մենք քննարկել ենք բոլոր հարցերը՝ կոմունիկացիաների բացման, հարաբերությունների հաստատման, տարբեր ոլորտներում հնարավոր գործակցության, Անիի պատմական կամրջի վերականգնման եւ այլ հարցեր։ Ընդհանուր տպավորություններս եղել են դրական, ես չեմ կարող որեւէ նեգատիվ նյուանս նշել այդ հանդիպման մասին»,-ասաց Նիկոլ Փաշինյանը՝ վստահություն հայտնելով, որ քննարկված հարցերը մի օր դառնալու են իրականություն։
Նիկոլ Փաշինյանը կրկնեց՝ պետք է հաղթահարենք՝ եւ Հայաստանում, եւ Թուրքիայում, միմյանց նկատմամբ կարծրատիպային մոտեցումները։ Հայաստանցիների մասով նա խնդիր է տեսնում, որ առերեսվենք Թուրքիայից եկող մեր վախերի ընկալումների հետ։
Մանրամասները՝ տեսանյութում
Կարդացեք նաև
Ամբողջական տեսանյութն՝ այստեղ
Նելլի ԳՐԻԳՈՐՅԱՆ
