«Արտապատվիրակումը Հայաստանի կառավարումն է թուրքերի կողմից։ Այն, ինչ հիմա տեղի է ունենում, դրա համար պետք չէ զարմանալ․ նա իր գծի մեջ է»,-ՀՀԿ փոխնախագահ Արմեն Աշոտյանի գործով դատական նիստի մեկնարկից առաջ լրագրողների հետ զրույցում ասաց ՀՀԿ ԳՄ անդամ Էդուարդ Շարմազանովը։
Ըստ նրա՝ Նիկոլ Փաշինյանի դեմ պետք է կազմակերպել օրինական, Սահմանադրությամբ նախատեսված դիմադրության շարժում․ «Ինքը Սահմանադրությունը մերժում է, բայց մենք պետք է առաջնորդվենք օրենքով և Սահմանադրությամբ։ Բոլորին կոչ եմ անում պինդ կանգնել եկեղեցու և Վեհափառի կողքին, քանի որ սա անձի խնդիր չէ։ Վեհափառ հայրապետը Աստծո օծյալ է, հայ առաքելական եկեղեցու հետևորդ ցանկացած հայ մարդ պետք է այս պայքարում սատարի Վեհափառ հայրապետին»։
Նիկոլ Փաշինյանի՝ դեպի Եվրոպա ձգտումների վերաբերյալ հայտարարությունների մասին էլ ասաց․ «Ինքը ոչ թե դեպի ԵՄ է գնում, այլ դեպի Թուրքիա, թուրքական աշխարհ։ Նիկոլ Փաշինյանը վաղուց արդեն դարձել է թուրքական աշխարհի պաշտպանի կամ սպասարկողի կարգավիճակի մարդ։ Ինքը ՀՀ-ում առաջ է քաշում թուրքական շահերը»։
Կարդացեք նաև
Տաթև ՀԱՐՈՒԹՅՈՒՆՅԱՆ
