ԱԺ «Հայաստան» խմբակցության պատգամավոր, ՀՅԴ ԳՄ անդամ, ԱԺ Գիտության, կրթության, մշակույթի, սպորտի և երիտասարդության հարցերի մշտական հանձնաժողովի անդամ Լիլիթ Գալստյանի ֆեյսբուքյան գրառումը
Այսօր Գրողների միությունում ամփոփեցինք «ՀԱՆՈՒՆ ՀԱՅԻ ՀԱՐԱՏԵՎՄԱՆ» գրական մրցանակաբաշխության 2025 թ․ արդյունքները։
Երրորդ տարին անընդմեջ, Հայաստանի գրողների միության և «Մեծն Ներսես» բարեսիրական կազմակերպության կողմից իրականացվող մրցանակաբաշխության նպատակն է՝ աջակցել, հայ գրողին, խթանել ժամանակակից հայ գրականության բնականոն ընթացքն ու հայ ընթերցողին ներկայացնել լավագույն գրական ստեղծագործություններ։
Թեմաները՝ Հայրենիքը, հայ մարդն ու ընտանիքն իբրև արարող և միավորող ուժ, հայ ինքնության, ազգային նվիրումի և հարատևման աղբյուր։
Կարդացեք նաև
Այս տարի ԱՐՁԱԿԻ, ՊՈԵԶԻԱՅԻ ԵՎ ՄԱՆԿԱՊԱՏԱՆԵԿԱՆ ժանրերում մրցանակների արժանացան Ներսես Խառատյանը, Ժաննա Հակոբյանը, Նանեն, Աշոտ Հովհաննիսյանը, Ալիսա Բաղդասարյանը, Սամվել Կոսյանը, Նորայր Գրիգորյանը, Հակոբ Հարությունը, Շանթ Մկրտչյանը, Սաթենիկ Ղազարյանը, Գագիկ Խաչատրյանը, Ալվարդ Հովսեփյանը։
Այսօր նաև «Հանուն Հայի Հարատևման» մրցանակաբաշխության 2024 թ․ մրցանակակիր հեղինակների ժողովածուի շնորհանդեսն էր, որ կազմել և խմբագրել եմ ես։ Ժողովածուում տեղ են գտել արձակ, պոեզիա և մանկագրություն անվանակարգերում 2024 թ․ հաղթող ճանաչված գրողների՝ Ֆելիքս Բախչինյանի, Գուրգեն Խանջյանի, Պերճուհի Աւետեանի, Ալիսա Հովհաննիսյանի, Հերմինե Ավագյանի, Վահան Ադրեասյանի, Հայկ Սիրունյանի, Սուսաննա Սայադյանի, Ռոբերտ Եսայանի, Սամվել Կոսյանի, Նարինե Կռոյանի,Անդրանիկ Կարապետյանի, Սաթենիկ Ղազարյանի ստեղծագործությունները։
Ժողովածուն հրատարակվել է Հյուսիսային Աﬔրիկայի Արևելյան Թեﬕ Ազգային Առաջնորդ Անուշավան Արքեպիսկոպոս Դանիելյանի հովանավորությամբ։
Գրքի ծնունդը տոն է։ Կեցցե հայ գրականությունն ու արարող հայ մարդը:
