«ՀՅԴ-ն կանգնած չէ փակման վտանգի առաջ, այլ խնդիր է, որ իշխանությունները պատրաստ են ամեն ինչ անել, որպեսզի կասեցնեն կուսակցության գործունեությունը»,- «Ա1+»-ի հետ զրույցում ասաց «Հայաստան» խմբակցության պատգամավոր Արթուր Խաչատրյանը։
Պատգամավորը նաև հավելեց, որ եթե իշխանությունները հիմքեր ունենային, «Դաշնակցությանն» արդեն կասեցրած կլինեին:
Անդրադառնալով հայ-ադրբեջանական հարաբերությունների կարգավորման բանակցություններին՝ Ա․Խաչատրյանը գտնում է, որ այդ երկիրը երբեք չի նահանջել Սյունիքից միջանցք ստանալու մտադրությունից։ Իսկ Հայաստանի իշխանությունների հայտարարություններին, թե ցանկացած ճանապարհ լինելու է Հայաստանի իրավազորությունների ներքո, չի հավատում։
«Ադրբեջանի հետ 7 տարվա բանակցությունները ցույց են տվել, որ ՀՀ իշխանությունները նախ ստել են դրանց բովանդակության մասին՝ մասնավորապես մինչև պատերազմը Փաշինյանն ասում էր, թե չեն եղել լիաֆորմատ բանակցություններ, եղել են բանակցություններ բանակցությունների շուրջ։ Հետագան ցույց տվեց, որ եղել են լիաֆորմատ բանակցություններ։ Արդեն hետպատերազմյան բոլոր բանակցություններն ավարտվել են նրա պարտությամբ»,- ասաց պատգամավորը։
Կարդացեք նաև
Մանրամասները՝ տեսանյութում։
