«Իմ քայլը» դաշինքից ՀՀ ԱԺ 7-րդ գումարման պատգամավոր, պատմաբան, պատմական գիտությունների թեկնածու, ԵԽԽՎ-ում Հայաստանի պատվիրակության նախկին անդամ, ադրբեջանագետ Տաթևիկ Հայրապետյանի տելեգրամյան գրառումը
Ինչպես գիտեք, ես ակտիվ հետևում եմ ադրբեջանական թե՛ լրատվական, թե՛ փորձագիտական դաշտին։ Ալիևի վերջին ելույթից հետո, մի հետաքրքիր միտք էր հնչում իրենց իշխանական փորձագետների կողմից։ Նրանցից մեկն ասում է, որ ոչ մեկը չի ուզի Թրամփին ուղիղ ասել, որ մերժում են ամերիկյան առաջարկը, դրա համար Ալիևը իր հայտարարությամբ գնդակը գցել է Փաշինյանը դաշտը։ Նա ուզում է ստեղծել իրավիճակ, որ Փաշինյանը լինի հենց մերժողն, կամ ժողովրդի լեզվով ասած՝ վատամարդ դուրս եկողը։ Մինչդեռ առաջարկը մերժում է հենց ադրբեջանական կողմը (ես մինչև Աբու-Դաբիի հանդիպումը գրել էի, որ մերժում եմ կանխատեսում)։
Հիմա այս թեմային գալով, երեկ Փաշինյանի մամուլի խոսնակը (դե ինքը անձնապես վախենում է Ալիևին բան ասի, հազիվ կաթողիկոսի դեմ գրի) կրկին օրակարգ բերեց ՓՈԽԱԴԱՐՁՈՒԹՅԱՆ մասին սկզբունքը։ Սա կարևոր է, քանի որ այն բացակայում էր ԱԳՆ վերջին հայտարարությունների տեքստերից և շատ վտանգավոր միտման մասին էր փաստում։
Այս սկզբունքից չի կարելի հրաժարվել ու պետք է շատ խելացի դիվանագիտություն վարել՝ ցույց տալու համար, որ հենց Ալիևն է մերժում ամերիկյան առաջարկը, ավելին՝ եթե նորմալ իշխանություն ու դիվանագիտություն վարվեր, դժվար թե Թրամփը տարածեր Ալիևի ելույթից այդ հատվածը, ոնց էլ չլիներ մեկը կզեկուցեր, որ հենց Ալիևն է 120,000 քրիստոնյա հայերին էթնիկ զտման ենթարկել, ավելին՝ հենց նա է ոչնչացնում քրիստոնեական հսկայական մշակութային ժառանգությունն Արցախում։
Կարդացեք նաև
Բայց դե․․․ իսկ տվյալ հարցի դեպքում՝ ոչ անհիմն տպավորություն ունեմ, որ Բաքուն փորձում է Վաշինգտոնին տարբեր ուղիներով ցույց տալ, թե իբր հայկական կողմը դեմ է ամերիկյան առաջարկին։
