Հայաստանում առաջին անգամ կայանում է Voice of the World միջազգային վոկալ մրցույթ – փառատոնը, որը հուլիսի 25-ին բացվեց կարմիր գորգով, շքեղ շոու ծրագրով` Հակոբ Պարոնյանի անվան երաժշտական կոմեդիայի պետական թատրոնի արտիստների մասնակցությամբ:
Փառատոնի հիմնադիրը եւ կազմակերպիչը Մարիամ Շահինյանն է, որը փառատոնային գործունեության առումով հարուստ կենսագրություն ունի:
Նրա խոսքով, փառատոնը կանցկացվի 6 անվանակարգերում՝ դասական երաժշտություն, ֆոլք, համաշխարհային հիթ, ջազ, մյուզիքլ, Երկրի երգը:
Կարդացեք նաև
Հուլիսի 26-ին առաջին մրցութային օրվա լավագույնների գալա համերգն է:
Հուլիսի 28-ին փառատոնի հանդիսավոր փակման արարողությունն է` Գալա համերգը եւ մրցանակաբաշխությունը:
Մարիամ Շահինյանը նախկինում իրականացրել է «Ազգային պատկերասրահ» «Վերադարձի» փառատոները, այժմ էլ պարբերաբար հրավիրվում է տարբեր երկրներ՝ որպես այնտեղ անցկացվող միջազգային մրցույթերի ժյուրիի անդամ:
Ինչ վերաբերվում է «Աշխարհի ձայնը» փառատոնին, Մարիամ Շահինյանի խոսքով, նպատակն է ստեղծել մի հարթակ, որտեղ ձայնը դառնում է լեզու: Նա համոզված է, որ «Աշխարհի ձայնը» տաղանդներին բացահայտելու հնարավորություն է:
Ժյուրիի անդամներն ու մասնակիցները ավելի քան 20 երկրից են, ժյուրիի միակ հայաստանցի անդամը Աննա Պողոսյանն է:
Գոհար ՀԱԿՈԲՅԱՆ
Լուսանկարները՝ Մարիամ Շահինյանի ֆեյսբուքյան էջից
