Սերբիայի Զլատիբոր քաղաքում ընթանում են բռնցքամարտի կրտսեր տարիքի պատանիների առաջնության եզրափակիչ մենամարտերը, որտեղ Հայաստանն ունի վեց մասնակից: Մեր տղաներից պայքարն արդեն ավարտել են երեքը:
46 կգ քաշային կարգում Արտո Բաղրամյանը վճռորոշ մենամարտում պարտության մատնեց ադրբեջանցի մրցակցին ու դարձավ այս տարիքային խմբի Եվրոպայի ոսկե մեդալակիր: Ընդ որում, նրա եւ այս քաշային կարգի մյուս մեդալակիրների պարգեւատրումը կատարեց Հայաստանի բռնցքամարտի ֆեդերացիայի նախագահ Հովհաննես Հովսեփյանը: Մեր տղաներից 44 կգ քաշային Սամվել Գրիգորյանը եւ 48 կգ Դավիթ Դունիամալյանը բավարարվել են արծաթով:
Դեռ ռինգ չեն մտել 54 կգ քաշային Մենուա Ուլիխանյանը, 63 կգ Գագիկ Հարությունյանը եւ 80 կգ Գրիշա Դիլանյանը:
Աշոտ ՀԱԿՈԲՅԱՆ
