Մամուլում տեղեկություններ էին տարածվել, որ Արարատի մարզի Արարատ համայնքում գտնվող նախկին կինոթատրոնի շենքը եւ տարածքը, որ ժամանակին նվիրաբերվել էին Մայր Աթոռին, ներկայումս անմխիթար վիճակում են, շենքը քանդման ենթակա է, քանի որ ունի լուրջ կառուցվածքային խնդիրներ, փորձ էր արվել ստվեր գցել Մասյացոտնի թեմի վրա։
Aravot.am-ի ձեռքի տակ է հայտնվել մի փաստաթուղթ՝ ՀՀ արտակարգ իրավիճակների նախարարությունից ստացված պատասխանը՝ Արարատի մարզի Արարատ քաղաքային համայնքի ղեկավար Ասլան Ավետիսյանի նամակին, որտեղ մասնավորապես ասվում է, որ 2021թ դեկտեմբերի 22-ին ԱԻՆ Սեյսմիկ պաշտպանության տարածքային ծառայության ՊՈԱԿ-ի մասնագետների կողմից կատարվել է Արարատի մարզի Արարատ քաղաքի Շահումյան փողոցում գտնվող կինոթատրոնի շենքի հետազոտություն, ներկայացվել է տեղեկանք շենքի տեխնիկական վիճակի վերաբերյալ։
Կարդացեք նաև
Տեղեկանքում նշվում է, որ շենքի ինչպես կրող, այնպես էլ ոչ կրող կոնստրուկցիաների անթույլատրելի վնասվածքներ եւ ձեւախեղումներ չկան, դրանց տեխնիկական վիճակը բավարար է, արտաքին դինամիկ ազդեցությունների բացակայության դեպքում շենքի փլուզման վտանգ չկա:
Գոհար ՀԱԿՈԲՅԱՆ
