Վավերագրող, ռեժիսոր Հովհաննես Իշխանյանի ֆեյսբուքյան գրառումը
Առավոտ թերթի ծնունդը շնորհավոր։
Ինչ Հայաստանը դարձել է Հայկական ժամանակ թերթը, իսկ կառավարությունը՝ նրա խմբագրությունը, մենք չենք կարողանում խոսել լրագրության մասնագիտական նրբություններից՝ ձև, բովանդակություն, էթիկա, թեմա, նյութի ընտրություն ևայլն:
Հայաստանի միջավայրը հակալրագրային է. լրատվամիջոցները կոչվում են ընդդիմադիր կամ իշխանական, մինչդեռ երկու պարագայում էլ դա վատագույն պիտակն է, որ կարող է ստանալ անաչառության ու ճշմարտության ձգտող մասնագիտությունը:
Սակայն Հայաստանի աղետների, երկիրը դեղին մամուլ դարձրածների գոյության պայմաններում այլ ձև հնարավոր չի, բայց Aravot-ը այս պայմաններում էլ փորձում է պահել հավասարակշռությունը:
Կարդացեք նաև
Իսկ քանի որ հավասարակշռությունը, անկողմնակալությունը և ճշմարտության ձգտումը այս պայմաններում նույն տեղում է, ինչ այս իշխանության քննադատությունը, դրա համար էլ մամուլին հատկացված շենքից նրանց հանում են՝ ամենայն հավանականությամբ նվիրելով այն Սահամանադրությունը խախտելով պատգամավոր դարձած գործարար Խաչատուր Սուքիասյանին:
Այսօր Առավոտը դարձավ 31 տարեկան:
Առավոտին մաղթում եմ այնպիսի Հայաստան, որը մամուլի շենքեր կսարքի, ոչ թե այն կօտարի նրանց, ովքեր փող ունեն, և մենք էլ կվերադառնանք լրագրություն քննարկելուն, ոչ թե տարանջատելուն՝ ընդդիմադիր ու իշխանական, և կրկին լրագրությունը կլինի անաչառությանն ու ճշմարտությանը ձգտելու մասին:
Առավոտն այսքան ժամանակ մի դեպքում չի դրել նյութերս, երբ այլ լրատվամիջոցի մասին քննադատություն է եղել, մինչդեռ լրագրությունից դուրս էկածը օտարում է իր նախկին գործընկերների համար հատկացված շենքերը:
Առավոտ, շնորհավո՜ր։
“Առավոտին” մաղթում եմ այնպիսի առավոտ, որի ժամանակ հետաքրքիր լուրեր կտպագրի այն մասին, որ “քայլողները” հետ-հետ քայլում են Երևանից դեպի Գյումրի (այնտեղից էլ գրողի ծոցը), “ուսապարկերին” տարել են մանկապարտեզներ – տարրական դաստիարակության համար, իսկ նիկոլին էլ բացառության կարգով թույլ են տվել Կաթողիկոսի մոտ մամլո խոսնակ աշխատի։