ԱԺ նախկին պատգամավոր, «Եվրոպական ինտեգրացիա» ՀԿ նախագահ Նաիրա Կարապետյանի ֆեյսբուքյան գրառումները
Աջ կողմում նստած և թղթապանակի հետևում թաքնված մարդը ինչ-որ բան ստորագրեց ձեր անունից, Հայաստանի Հանրապետության հպաաաա՜րտ քաղաքացիներ:
Նա այն մարդն է, ով ձեզ խոստացել էր բոլոր կարևոր հարցերը քննարկել և լուծել Հանրապետության հրապարակում՝ ձեր անմիջական մասնակցությամբ:
Նա այն նույն մարդն է, ով ձեզ հավատացրել էր, որ Արցախի անունից չի բանակցելու, Արցախը վերադարձնելու է բանակցային սեղան, բայց հրահրեց պատերազմ և պարտվեց՝ հաձնելով Արցախի 75%-ը:
Նա այն նույն մարդն է, ով ձեզ խոստացավ, որ կվերադարձնի Շուշին ու Հադրութը, ստացավ ձեր 680 000 քվեն և հանձնեց ամբողջ Արցախը՝ հանգիստ հետևելով հայերի գաղթին:
Կարդացեք նաև
Նա հանգիստ հետևում է հայերի դատին՝ Բաքվում, նրա ցուցումով դատվում են Հայաստանը կանգուն պահել ցանկացող արժանապատիվ հայեր Երևանում:
Նա հետ է գալու և նորից ձեզանից քվե է ուզելու՝ այս անհայտ թղթի մեջ գրվածը ներկայացնելով իբրև մեեեե՜ծ ձեռքբերում:
Իրականում ձախ կողմում նստածի անթաքույց ուրախությունը հուշում է, որ 2020-ի նոյեմբերի 9-ի խայտառակ թղթին դեռ երանի ենք տալու…
Հ.Գ. 3 միլիոն վարչապետներից քանի՞սդ եք տեղյակ, ի՞նչ է գրված այս թղթում:
Հ.Հ.Գ. Վերընտրվելու թղթոնը՝ նախաստորագրված, ստացավ, ուրախացել է…
ԵԱՀԿ Մինսկի խմբի մասին:
Ասեմ նաև, որ ստոր ստորագությամբ այսօր վերջ դրվեց նաև դեպի Արցախ մեր խաղաղ ճանապարհին – ԵՍՀԿ Մինսկի խմբի գործունեությանը…
Հիշեցնեմ, որ դա միակ ընտրված միջազգային ձևաչափն էր Արցախյան հարցի խաղաղ լուծման համար:
Հիշեցնեմ, որ Ադրբեջանը խախտել էր ԵԱՀԿ ՄԽ բոլոր 3 սկզբունքները՝ ազգերի ինքնորոշման իրավունքը, տարածքային ամբողջականությունը, ուժի կիրառման և ուժի կիրառման սպառնալիքի բացառումը, և մենք հնարավորություն ունեինք դիվանագիտական ճանապարհով շատ բան անելու:
Հիշեցնեմ, որ ԵԱՀԿ ՄԽ համանախագահ երկրներն էին ԱՄՆ, Ֆրանսիան և Ռուսաստանը:
