«ՀՀ-ն պատրաստ է ցանկացած արբիտրաժում պաշտպանել իր պետական շահերը։ Այս դեպքում մենք եւս գնալու ենք այդ ճանապարհով»,- կառավարության նիստից հետո, ճեպազրույցում հայտարարեց ՀՀ տարածքային կառավարման և ենթակառուցվածքների նախարար Դավիթ Խուդաթյանը՝ պատասխանելով հարցին, որ Սամվել Կարապետյանի պաշտպանական թիմը դիմել է արբիտրաժ եւ կես միլիարդ դոլար է պահանջում, իբրեւ փոխհատուցում ։
Նա հայտարարեց՝ տասնյակ նման հայցադիմումներ կան եւ ոչ միայն ՀԷՑ-ի հետ կապված, այլ անհատապես ՔՊ-ականներին վերաբերվող, բայց իրենք մտահոգություններ եւ մտավախություններ չունեն․ ցանկացած ատյանում պատրաստ են պաշտպանել թե ՀՀ-ի, թե իրենց անհատական շահերը։
Դիտարկումը, որ ՀՀ-ն մեկ անգամ արդեն պարտվել է Ստոկհոլմյան արբիտրաժում, Դավիթ Խուդաթյանը հայեցողական որակեց եւ հավելեց, որ այդ հարցը բազմիցս մեկնաբանվել է։ Նա միայն պնդեց, որ Ստոկհոլմի արբիտրաժում ՀՀ-ն չի պարտվել։ Վստահություն հայտնեց, որ փոխհատուցման պահանջի հայցով էլ ՀՀ կառավարությունը չի պարտվելու եւ նախատեց լրագրողին՝ ով տարակուսել էր՝ ասելով՝ կարծում եք արբիտրաժո՞ւմ էլ կան Մասիս Մելքոնյանի նման դատավորներ, որոնք ՔՊ-ի շահերը կսպասարկեն։
Մանրամասները՝ տեսանյութում.
Կարդացեք նաև
Նելլի ԳՐԻԳՈՐՅԱՆ
