«Ո՞ւր է Ռուբեն Վարդանյանը, ի՞նչ են արել Ռուբեն Վարդանյանին ազատելու համար։ էդ մարդն իրեն զոհելով, ամեն ինչը թողնելով՝ եկել է Արցախ։ Էլ մարդ ի՞նչ պետք է անի, որ գնահատեն։ Եթե հզոր ուժերի դեսանտ լիներ Սամվել Կարապետյանը, այդ ուժերը հիմա կթողնեի՞ն նրան ձերբակալված»,-լրագրողների դիտարկմանը՝ իշխանության ներկայացուցիչներն ասում են, որ Պուտինը Սամվել Կարապետյանին «դեսանտ է» իջեցրել Հայաստան, նա Ռուբեն Վարդանյան-2 է, «Տաշիր» խմբի ընկերությունների սեփականատեր, ռուսաստանաբնակ հայ գործարար, բարերար Սամվել Կարապետյանի կալանքը երկարաձգելու միջնորդության քննության ընթացքում ՀՀ հակակոռուպցիոն դատարանի բակում լրագրողների հետ զրույցում այսպես արձագանքեց «Տաշիր» ընկերությունների խմբի փոխնախագահ Նարեկ Կարապետյանը։
Անդրադառնալով Ռուբեն Վարդանյանին՝ Նարեկ Կարապետյանն ասաց․ «Հայրենասեր մարդու քայլ է արել, որը պետք է գնահատվի։ Այսքան ժամանակ իշխող ուժի ներկայացուցիչների կողմից չեմ լսել մի խոսք, թե այդ մարդու հետ ինչ կատարվել է, ցավո՞ւմ են, թե՝ ոչ, քայլ անո՞ւմ են նրան վերադարձնելու համար»։
Լրագրողների հարցին՝ կարելի՞ է զուգահեռներ անցկացնել Ռուբեն Վարդանյանի և Սամվել Կարապետյանի միջև, քանի որ մեկը Բաքվում է բանտարկված, մյուսը՝ ՀՀ-ում, Նարեկ Կարապետյանը պատասխանեց․ «Իհարկե, կա զուգահեռ։ Մեր հայրենակիցների հետ շփումներում էլ նրանք ասում են՝ չկա հայրենասեր մարդ, որն ամեն ինչ դնի մի կողմ, ժողովրդի մասին մտածի։ Ավելի վառ օրինակներ, քան այս մարդիկ են, ես չեմ տեսնում»։
Կարդացեք նաև
Տաթև ՀԱՐՈՒԹՅՈՒՆՅԱՆ
