Իրանի ԱԳ նախարար Սեյեդ Աբբաս Արաղչին, մեկնաբանելով Վաշինգտոնում ստորագրված փաստաթղթերը՝ «Թրամփի ուղու»՝ TRIPP-ի մասին, ասել է, թե Հարավային Կովկասում ճանապարհների հետ տեղի ունեցածը բոլորովին տարբերվում է նրանից, ինչ ենթադրաբար պետք է տեղի ունենար: Ըստ նրա՝ երբ սկսվել է «Զանգեզուրի» մասին քննարկումը, խոսք է գնացել հայկական Սյունիքի մարզը Ադրբեջանի կողմից գրավվելու եւ 5-10 կմ լայնությամբ միջանցք ստեղծելու մասին, որը կկապեր Ադրբեջանը Նախիջեւանին, եւ այդ միջանցքը կլիներ Ադրբեջանի ինքնիշխանության ներքո. «Մենք այն ժամանակ խիստ մտահոգություններ հայտնեցինք, զինված ուժեր տեղակայեցինք սահմանի մոտ, բայց Ադրբեջանը մեզ վստահեցրեց, որ նման բան չկա։ Այժմ խոսքը գնում է մի ճանապարհի մասին, որը կառուցվելու է ամերիկյան ընկերության կողմից, որը կգրանցվի Հայաստանում, եւ կլինի Հայաստանի օրենքների և իրավասության ներքո: Ճանապարհն էլ կգտնվի Հայաստանի ինքնիշխանության ներքո»:
Այդուհանդերձ նա ավելացրել է. «Ես չեմ ասում, որ տեղի ունեցողը մտահոգիչ չէ։ Բայց հայ պաշտոնյաները մեզ վստահեցրել են, որ այնտեղ ամերիկյան ուժեր չեն տեղակայվի, և Իրանի կարմիր գծերը կհարգվեն: Հայաստանի վարչապետը զանգել է մեր նախագահին, նրանց ԱԳ նախարարը զանգել է ինձ, նրանք Թեհրան են ուղարկել իրենց ԱԳ նախարարի տեղեկալին եւ բացատրություններ տվել»: Նաեւ նկատել, որ անհրաժեշտ նախազգուշական միջոցներ Իրանն իր կողմից կձեռնարկի:
