Եկատերինբուրգում Հայաստանի պատվավոր հյուպատոսությունը փակվել է յոթ տարվա գործունեությունից հետո, РБК-ի փոխանցմամբ՝ տելեգրամյան իր ալիքում հայտնել է Ռուսաստանի հայերի միության Չելյաբինսկի մասնաճյուղի նախագահ Գարիկ Մխիթարյանը:
«Բոլոր հարցերի համար խնդրում ենք կապվել Ռուսաստանում ՀՀ այլ հյուպատոսական գրասենյակների հետ», – ասվում է հայտարարության մեջ:
Ավելի վաղ՝ օգոստոսի սկզբին Հայաստանի արտաքին գործերի նախարարությունը Նարեկ Սպարտակյանին ազատել էր Եկատերինբուրգում պատվավոր հյուպատոսի պաշտոնից:
Կարդացեք նաև
«Պատճառը պաշտոնապես չի նշվել, սակայն լրատվամիջոցները հայտնել են, որ հրաժարականը կարող է կապված լինել Հայ Առաքելական Եկեղեցու նկատմամբ Հայաստանի իշխանությունների գործողությունների հանդեպ հյուպատոսի անհամաձայնության հետ», – նշում է РБК-ն:
