Ermenihaber. Թուրքիայի նախագահ Ռեջեփ Թայիփ Էրդողանը հեռախոսազրույց է ունեցել Ռուաստանի նախագահ Վլադիմիր Պուտինի հետ։ Նախագահները քննարկել են երկկողմ հարաբերությունները, տարածաշրջանային և գլոբալ հարցեր։
Նշվում է, որ հեռախոսազրույցի ընթացքում կողմերը քննարկել են նաև Ուկրաինայում տիրող իրավիճակը։ Էրդողանը նշել է, որ Ռուսաստանի և Ուկրաինայի միջև բանակցությունների երրորդ փուլի մեկնարկը կարևոր է, և որ Թուրքիան կշարունակի հյուրընկալել բանակցությունները Ստամբուլում, երբ կողմերի համար որոշվեն հարմար ժամկետներ։
Թուրքիայի նախագահականի հանրային կապերի վարչության տարածած հաղորդագրության համաձայն՝ Էրդողանը հեռախոսազրույցի ընթացքում անդրադարձել է նաև Սիրիայի հարցին։
Մասնավորապես, Էրդողանը հայտնել է, որ սիրիական անվտանգության ուժերի Սուվեյդայից դուրսբերմանը հաջորդած բախումները սպառնալիք են ներկայացնում ամբողջ տարածաշրջանի համար, և կարևորել է, որ Իսրայելը չխախտի Սիրիայի ինքնիշխանությունը։
Կարդացեք նաև
Կրեմլի կողմից տարածած հայտարարության համաձայն՝ Պուտինը և Էրդողանը քննարկել են Ալյասկայում Դոնալդ Թրամփի հետ կայացած հանդիպման մանրամասները։ Նշվել է, որ նախագահները քննարկել են նաև առևտրային և ներդրումային հարաբերությունները։
