Բարձրագույն դատական խորհուրդն օգոստոսի 15-ին հայտարարություն էր տարածել` վարչական դատավարության էլեկտրոնային համակարգի գործարկման վերաբերյալ:
Ըստ այդմ, օգոստոսի 25-ից արդարադատության նախարարության կողմից գործարկվելու է վարչական դատավարության նոր էլեկտրոնային համակարգը, որը քաղաքացիներին, փաստաբաններին եւ պետական բոլոր մարմիններին հնարավորություն է ընձեռելու վարչական գործերով ամբողջությամբ թվային եղանակով ներկայացնել հայցադիմում, վերաքննիչ եւ վճռաբեկ բողոքներ, ինչպես նաեւ կատարել բոլոր դատավարական գործողությունները՝ արագ եւ առանց ձգձգումների:
Համակարգի օգտագործումը պարտադիր է դառնալու վարչական գործերով հետեւյալ մասնակիցների համար, այդ թվում՝
- պետական եւ տեղական ինքնակառավարման բոլոր մարմինների,
- վարչարարություն իրականացնող այլ մարմինների, դրանց պաշտոնատար անձանց,
- իրավաբանական անձանց եւ անհատ ձեռնարկատերերի,
- ներկայացուցիչ հանդիսացող փաստաբանների,
- սնանկության գործով կառավարիչների,
- արտոնագրված հաշտարարների
- նոտարների եւ այլն:
Ըստ ԱՆ-ի` ֆիզիկական անձանց համար համակարգի օգտագործումը պարտադիր է դառնալու, եթե տվյալ ֆիզիկական անձը վարչական գործի շրջանակներում առնվազն մեկ անգամ նոր համակարգի միջոցով կատարել է որեւէ գործողություն եւ հետագայում գործը քննող դատարանին տեղյակ չի պահել համակարգից օգտվելու անհնարինության մասին:
Կարդացեք նաև
«Առավոտ» օրաթերթ
20.08.2025
