-Ներկայացնում են մեղադրանքը, այդ երկու ամսվա ընթացքում պետք է ապացույց ու փաստեր ձեռքբերեն: Ի՞նչ է ստացվում հիմա փաստեր չունեն, ինչ սկզբում ներկայացրել էին, սխալ է, քանի որ գործ չեն արել,- այսօր Բագրատ սրբազանի եւ մյուսների ՝ ահաբեկչության նախապատրաստման գործով դատական նիստից առաջ լրագրողներին ասաց այդ գործով մեղադրյալ Հրայր սարկավագ Հակոբյանն՝ անդրադառնալով մեղադրյալների կալանքը եւս երեք ամսով երկարաձգելու դատարանի որոշումներին:
-Իրենց հրապարակած ձայնագրությունը, որ լսում ենք, ծիծաղի է վերածվում այդ ամեն ինչը: Մեղադրող մարդիկ ե՛ւ ինձ, ե՛ւ մնացածին չեն ճանաչում: Բագրատ սրբազանն ամեն օր ասում էր Աստծով ենք գնում, մենք չենք դուրս եկել սպանելու, կոտորելու: Իրենց հրապարակումը նայեք, էնտեղ իմ խոսքի մեջ գրված է սպանեն, գրած չէ սպանեմ: Այսինքն՝ իրենք էլ հստակություն չեն դնում: Իմ ասածների համար պատասխանատվություն կրում եմ, բայց չեմ ասել՝ սպանելու եմ:
Առհասարակ հայի վրա զենք չեմ բարձրացնում: Երկիրը դավաճանած մարդուն ես թույլ չեմ տա, որ հեշտությամբ կյանքից հեռանա, պետք է պատասխան տան ազգի առաջ՝ դատով, դատաստանով, զոհվածների ընտանիքների առջեւ, հայրենիքի առջեւ, մինչեւ իրենց խոր ծերություն պետք է պատասխան տան,- հավելեց Հրայր սարկավագը:
Կարդացեք նաև
Արփինե ՍԻՄՈՆՅԱՆ
