«Տաշիր» ընկերությունների խմբի փոխնախագահ Նարեկ Կարապետյանը ֆեյսբուքյան իր էջում տեսանյութ է հրապարակել, անդրադառնալով այն բանին, թե ինչ լավ բաներ է արել «Քաղաքացիական պայմանագիր» կուսակցությունը Հայաստանի համար։
Տեսանյութին կից՝ Նարեկ Կարապետյանը գրել է.
«1.Ինչպես ամեն դպրոցի շինարարությունը թանկացավ 1 մլն դոլարով:
2.Շա՞տ են արդյոք Վրաստանի համեմատ մեր կառուցած ճանապարհները
Կարդացեք նաև
3.Ամեն մեկիս ընտանիքի վրա ՔՊ-ն 7 տարում վերցրել է 10.000 $ պարտք»:
Տեսանյութում Կարապետյանը, մասնավորապես նշել է, որ Հայաստանի բնակիչները հաճախ շնորհակալություն են հայտնում այս իշխանությանը դպրոցաշինության և ճանապարհաշինության համար։
«Մինչև 2024թ.-ն դպրոցաշինության համար վերցվում էին վարկեր. երկիրը ներգրավում էր վարկ և իրականացվում էր ֆպրոցների շինարարություն: Այստեղ հայտնվեց մեր երկրի ղեկավարը և տեղի ունեցավ «Կախիչ» օպերացիան, որի համար աշխատանքից հեռացվեց քաղաքաշինության նախարարը։ Այդ շոուից հետո մեկ ամսվա ընթացքում դպրոցների շինարարության գները մի դպրոցի հաշվարկով թանկացան 1 մլն դոլարով, ամեն դպրոց, որ առաջ կառուցվում էր 900 մլն դրամով՝ սկսվեց կառուցվել նույն պրոյեկտով 1.4 մլն դրամով:Ամեն քառակուսի մետրի մեջ, եթե շինարարությունը և բարեկարգումը արժեր 900 դոլար, դրանից հետո դարձավ 1.5 մլն դոլար։
Ոչ մի բան չի փոխվել, միայն այն, որ երկրի ղեկավարը սխալ իմպուլս է տվել գործարարներին», – ասում է նա՝ ընդգծելով, որ երբ ճնշումը պետության կողմից գործարարների վրա մեծանում է՝ նրանք գները բարձրացնում են, որպես ռիսկի հաշվարկ։
Կարապետյանը նշում է. «Դրանից հետո 128 դպրոցի կառուցման մրցույթ է հայտարարվել, ինչի արդյունքում մեր երկիրը 120 մլն դոլար փող է կորցրել միայն «Կապիչ» օպերացիայի համար»։
