Լրահոս
Օրվա լրահոսը

Ստեփանակերտում ոչնչացվել է Արցախի հերոս Աշոտ Գուլյանի հուշարձանը

Օգոստոս 25,2025 11:06

Արցախի զբոսաշրջության և մշակույթի զարգացման գործակալությունը հայտնում է. «Օգոստոսի 24-ին՝ Արցախի հերոս Աշոտ Գուլյանի (Բեկոր) հիշատակի օրը, մենք ստիպված ենք արձանագրել հերթական մշակութային հանցագործությունը․ Ստեփանակերտի կենտրոնում ոչնչացվել է նրա հուշարձանը։

Աշոտ Գուլյանի հուշարձանը, որը ստեղծվել էր հայտնի հայ քանդակագործ Յուրի Սամվելյանի կողմից, տեղադրվել էր 1996 թվականին՝ նրա թաղման վայրում, նույնանուն զբոսայգում։ Ավելի շուտ հերոսի մասունքները տեղափոխվել էին նրա ծննդավայր Խնձրիստան, սակայն այսօր նրա գերեզմանի վիճակի մասին տեղեկություններ չկան։

Հուշարձանների ոչնչացումը ոչ միայն վանդալիզմ է, այլև Ադրբեջանի համակարգված քաղաքականություն, որն ուղղված է Արցախի ժողովրդի հերոսների հիշողությունն ու մշակութային ինքնությունը ջնջելուն։ Այսպիսի գործողությունները կոպտորեն խախտում են մշակութային ժառանգության պաշտպանության միջազգային կոնվենցիաները և արցախցիների իրավունքները՝ հիշողությունը, պատմությունը պահպանելու և իրենց հայրենիք վերադառնալու։

Մենք պարտավոր ենք բարձրաձայնել․ Ադրբեջանի պատասխանատվությունը մշակութային ժառանգության ոչնչացման համար պետք է արձանագրվի միջազգային հանրության կողմից։ Միևնույն ժամանակ պետք է ընդգծել, որ մշակութային ժառանգության լավագույն պաշտպանությունը Արցախի ժողովրդի անքակտելի վերադարձի իրավունքի ապահովումն է»։

 

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Մեկնաբանություններ (0)

Պատասխանել

Օրացույց
Օգոստոս 2025
Երկ Երե Չոր Հնգ Ուրբ Շաբ Կիր
« Հուլ    
 123
45678910
11121314151617
18192021222324
25262728293031