«Սամվել Կարապետյանը համաձայնել է նախագահ Սարգսյանի առաջարկին՝ գնել ՀԷՑ-ը, որ ուղղակի ՀԷՑ-ը փրկի, քանի որ, եթե ՀԷՑ-ը գնար սնանկացման, դա լուրջ ցնցում էր լինելու մեր տնտեսության, պետության համար»,- հարցին՝ մինչև Սամվել Կարապետյանի կողմից ՀԷՑ-ի գնումը ի՞նչ վիճակ է եղել ընկերությունում, մամուլի ասուլիսի ժամանակ այսպես պատասխանեց «Հայաստանի էլեկտրական ցանցեր» ՓԲԸ գլխավոր տնօրենի նախկին պաշտոնակատար Դավիթ Ղազինյանը։
Նա հիշեցրեց, թե ինչ իրավիճակ էր այդ ժամանակ՝ «Էլեկտրիկ Երևանի» ցույցերը ու նշեց․ «Ի պատիվ նախագահ Սերժ Սարգսյանի՝ նա այդ առաջարկն արեց։ ՀԷՑ-ին երկու-երեք ամսվա կյանք էր մնացել։ Ուզում էին 19 դրամով բարձրացնեին սակագինը, Սամվել Կարապետյանն, այդ ժամանակ ոչ թե դեմ լինելով, այլ հասկանալով՝ ինչ բեռի տակ է մտնում, համաձայնել է՝ նաև հաշվի առնելով իրենց անձնական կապերը իշխանությունների հետ, ուղղակի, որ ՀԷՑ-ը փրկի։ Սամվել Կարապետյանը երրորդ նախագահի հետ միասին փրկել են ՀԷՑ-ը»։
Դավիթ Ղազինյանը նշեց, որ այդ ժամանակ Սամվել Կարապետյանը 650-700 միլիոն դոլար ներդրում է կատարել ՀԷՑ-ում․ «Վիճակը շատ վատ էր՝ որպես նաև ներսի մարդ եմ ասում, քանի որ այն ժամանակ էլ եմ ես աշխատել այնտեղ»։
Կարդացեք նաև
Տաթև ՀԱՐՈՒԹՅՈՒՆՅԱՆ
