«Ի՞նչ է խաղաղությունը. ես, իմ հասակակիցները, ավելի փոքրերը չգիտեք՝ խաղաղ ապրելն ինչ է, չգիտենք բաց սահմաններով ապրելն ինչ է:
Մենք ծնվել ու մեծացել ենք պատերազմի ժամանակ։ Հետո՝ նորից պատերազմ, զոհեր, հետո արդեն զոհվեցին մեր հասակակիցներն ու մեզնից փոքրերը։
Մենք չգիտենք՝ ինչ է իրական խաղաղությունը։
Երբ Եվրոպայում երկրից երկիր անցնելիս միայն մի փոքրիկ ցուցանակ ես տեսնում, որը չնկատելու դեպքում նույնիսկ չես էլ հասկանա, որ արդեն մեկ այլ երկրում ես, այն միաժամանակ և՛ երանություն է, և՛ ցավ։ Փշալարերի, դիրքերի ու զորքերի փոխարեն ցուցանակ:
Կարդացեք նաև
Երանություն՝ որովհետև տեսնում ենք խաղաղության հնարավոր պատկերը։ Ցավ՝ որովհետև մենք չգիտենք դա ինչ է։
Այո, այսօր մենք ունենք խաղաղություն: Եվ մենք կարող ենք ունենալ կայուն, երկարատև ու հարատև խաղաղություն։ Դրա համար պետք է փայփայել այսօրվա արտասովոր թվացող այդքան կարևոր խաղաղությունը»:
ՀՀ ԱԺ «Քաղաքացիական պայմանագիր» խմբակցության պատգամավոր Հասմիկ Հակոբյան
