ՀՀ ԱԺ Գիտության, կրթության, մշակույթի, սփյուռքի, երիտասարդության եւ սպորտի հարցերի մշտական հանձնաժողովի նիստի ընթացքում քննարկվեց ՀՀ «Բարձրագույն կրթության և գիտության մասին» ՀՀ օրենքի և դրան կից օրենքներում փոփոխություններ կատարելու մասին նախագիծը։
Հիմնական զեկուցող ՀՀ ԿԳՄՍ նախարար Ժաննա Անդրեասյանը, անդրադառնալով հիմնական փոփոխություններին, նշեց․ «Ավելի մեծ ճկունություն ենք հաղորդել գիտական կազմակերպությունների հնարավոր ձևերին։ Հստակեցրել ենք այն կարգավորումները, որոնք վերաբերում են հանրային բուհերին, հանրային հետազոտական կազմակերպություններին, որ ավելի հստակ լինի, թե որ կարգավորումներն են առնչվում մասնավոր գիտական կազմակերպություններին»:
Թագուհի Ղազարյան
ՀՀ ԱԺ «Քաղաքացիական պայմանագիր» խմբակցության պատգամավոր, հանձնաժողովի անդամ Թագուհի Ղազարյանը նշեց՝ առաջիկա նստաշրջանում նախագիծը կընդունվի և հարցրեց՝ դրանից հետո 10-օրյա ժամկետում, երբ ՀՀ նախագահը ստորագրեց օրենքը, ի՞նչ է սպասվում այդ օրվանից հետո բուհերին։
Ժաննա Անդրեասյանը պարզաբանեց․ «Օրենքն ունի անցումային դրույթների բաժինը, և կարևոր է, որ բուհերը և գիտական կազմակերպություններն ամենայն մանրամասնությամբ ծանոթանան անցումային դրույթների բաժնին, որն իրենց հետ քննարկվել է։ Բուհերի լիցենզավորման նոր կարգի պահանջները ծագելու են 2028-ից սկսած։ Սա բավարար ժամանակ է թե′ ենթաօրենսդրական ակտերի ընդունման, թե′ դրա ընթացքում և հետո բուհերի գործունեության մեջ անհրաժեշտ փոփոխությունների իրականացման համար։ Բոլոր մասնակիցները կտեղեկանան, թե որ իրավական ակտն ինչ ժամկետում է ընդունվելու, որ իրենց համար տեսանելի լինի։ Գործող յուրաքանչյուր ենթաօրենսդրական ակտ դրվելու է քննարկման՝ նույն լիցենզավորման կարգը և մնացած բոլոր նախագծերը»։
Կարդացեք նաև
Տաթև ՀԱՐՈՒԹՅՈՒՆՅԱՆ
