Aravot.am-ի տեղեկություններով, օգոստոսի 31-ին ՀՀ ՆԳՆ ոստիկանության օպերատիվ կառավարման կենտրոնից հաղորդում է ստացվել, որ իրենց է զանգահարել ոստիկանության զորքերից շարքային Հարությունյանը եւ հայտնել, որ ազգությամբ ռուս տղամարդը հավկիթներով հարվածել է ՀՀ կառավարության շենքին։
Ըստ նույն աղբյուրի, հերթապահ խումբ է մեկնել դեպքի վայր եւ պարզել է, որ այդ քաղաքացին Ալեքսանդր Շերչենկոն է, որին Հանրապետության հրապարակից խուլիգանություն կատարելու կասկածով ձերբակալել եւ տեղափոխել են ՆԳՆ ոստիկանության Կենտրոնական բաժին։
Կազմված փաստաթղթերը փոխանցվել են քննչական բաժին։
