«Սխալ եմ համարում, որ վարչապետն այդպես է ասում։ Ո՞նց կարելի է Արցախի էջը փակել»,-«Եռաբլուր» զինվորական պանթեոնում՝ Արցախի հանրապետության հռչակման օրը, «Արցախի կանչը» հուշահամալիրի բացման հանդիսավոր արարողության ժամանակ լրագրողների հետ զրույցում ասաց զոհվածի մայրը՝ անդրադառնալով ՀՀ վարչապետ Նիկոլ Փաշինյանի այն հայտարարությանը, թե Արցախի էջը փակելով կարող են հասնել խաղաղության։
Լրագրողների հետ զրույցում զոհվածի մայրն ասաց, որ իր ամուսնուն 1994-ին է կորցրել, 2023-ին էլ 35 տարեկանում որդուն է կորցրել։ Որդու շիրիմը հաջողվել է տեղափոխել Հայաստան։
Լրագրողների դիտարկմանը՝ 44-օրյա պատերազմում 5000-ից ավելի զոհ ունեցանք, բայց վարչապետի տիկինը Ալիևի և Էրդողանի տիկինների հետ ուրախ լուսանկարվում է, զոհվածի մայրն ասաց․ «Ես իրենց թուրք եմ համարում, թող գան, ինձ բռնեն, տանեն։ Երեք անձ եմ կորցրել, ի՞նչ եմ անում ես, ստեղ ապրել էլ չեմ ուզում։ Որբ պահել եմ իմ երեխաներին, հիմա էլ որդուս երեխաներին պետք է որբ մեծացնեմ»։
Կարդացեք նաև
Տաթև ՀԱՐՈՒԹՅՈՒՆՅԱՆ
