«Վերջին տարիները մեզ կանգնեցրել են նոր փորձությունների առաջ։ Ադրբեջանի կողմից իրականացված ագրեսիան 2020-ին և 2023-ին նպատակ ուներ ոչ միայն զավթել տարածքներ, այլ վերացնել Արցախի ժողովրդի՝ ազատ ապրելու իրավունքը։ Բայց Արցախը չի կարող ընկրկել, Արցախը պարտավոր է շարունակել պայքարը՝ մնալով՝ որպես արդարության, ազատության ինքնորոշման համար պայքարի խորհրդանիշ»,-ՀՅԴ Հայաստանի Գերագույն մարմնի նախաձեռնությամբ «Արցախ․ չկարգավորված հակամարտություն, վերադարձի իրավունք» խորագրով միջազգային խորհրդաժողովի ժամանակ հայտարարեց Արցախի ԱԺ նախագահ Աշոտ Դանիելյանը։
Նա փաստեց՝ միջազգային իրավունքի տեսանկյունից Արցախի ժողովրդի ինքնորոշման, Արցախի իրավունքները մնում են անբեկանելի արժեք. «ՄԱԿ-ի մարդու իրավունքների խորհրդում, ԵԽԽՎ-ում, ինչպես նաև տարբեր միջազգային համաժողովներում, ակադեմիական շրջանակներում մեր հարցը բարձրացվում է՝ որպես արդարամտության, մարդու իրավունքների, տարածաշրջանային կայունության փորձաքար։ Այս հարթակներում մեր ձայնը պետք է հստակ փաստարկված ու հետևողականորեն բարձրացված լինի՝ ներկայացվելով ոչ միայն մեր ցավը, այլև մեր իրավունքները»։
Կարդացեք նաև
Տաթև ՀԱՐՈՒԹՅՈՒՆՅԱՆ
