Թուրքիայի նախագահ Ռեջեփ Թայիբ Էրդողանը Չինաստանից վերադարձի ճանապարհին ինքնաթիռում պատասխանել է լրագրողների հարցերին՝ անդրադառնալով նաև Վաշինգտոնում Հայաստանի ու Ադրբեջանի միջև ձեռք բերված պայմանավորվածություններին:
«Փաշինյանն ու Ալիևը միասնական դիրքորոշում ունեն», – լրագրողներին ասել է Էրդողանը ` ներկայացնելով Չինաստանում ՇՀԿ գագաթնաժողովի շրջանակում Հայաստանի և Ադրբեջանի ղեկավարների հանդիպումը։
«Ես մանրամասն բանակցություններ եմ վարել Ադրբեջանի նախագահ Իլհամ Ալիևի, ապա Հայաստանի վարչապետ Նիկոլ Փաշինյանի հետ… Երկրները մեծ մասամբ հաղթահարել են խաղաղության ճանապարհին առկա խոչընդոտները և հասել են վերջնական կետին:
Վաշինգտոնյան համաձայնագրերը զգալիորեն արագացրել են Հայաստանի և Ադրբեջանի միջև հարաբերությունների կարգավորման գործընթացը», – ինչպես հայտնում են թուրքական լրատվամիջոցները, ասել է Էրդողանը։
