Երևանի ընդհանուր իրավասության քրեական դատարանի դատավոր Արմինե Մելիքսեթյանը, քիչ առաջ բավարարեց հանրային մեղադրողի միջնորդությունը ու մեկ ամսով երկարացրեց Շիրակի թեմի առաջնորդ Միքայել արքեպիսկոպոս Աջապահյանի կալանավորման ժամկետը։
Մասնակիցները հեռացան «Ամո՜թ, ամո՜թ», «Ինչպես ես քնելու գիշերը, որ արդարությունը էսպես ոտնահարում ես» վանկարկումներով։
Հաջորդ դատական նիստը նշանակվեց սեպտեմբերի 15-ին։
Իսկ մինչ այդ Միքայել Սրբազանը, դիմելով դատարանին, ասաց․ « Դուք սեփական մեղադրանք չունեք, դուք պատվեր եք կատարում, դադարեք այդ պատվերը կատարել, դժվա՞ր է»։ Նա միաժամանակ հայտարարեց, որ երբեք որևիցե բան չի խնդրում, որևէ մեկը թող այդ հույսը չփայփայի։
Կարդացեք նաև
Սրբազանի պաշտպանները դատավորին նաև հիշեցրեցին, որ նույն մեղադրանքով մի քանի օր առաջ Ռուբեն Հակոբյանին ազատեցին կալանքից, փոխեցին խափանման միջոցը։
Դատարանին նաև առաջարկեցին սահմանափակել Միքայել Սրբազանի շփումը լրատվամիջոցների հետ, եթե վախենում են նրա ազատ խոսքից։ Սակայն դատարանն անդրդվելի էր։
Նունե ԱՐԵՎՇԱՏՅԱՆ
