Վարչապետ Նիկոլ Փաշինյանը գրել է. «Ո՞րն է այսօրվա և նախկին Հայաստանի Հանրապետությունների տարբերությունը: Նախկինում Հայաստանի Հանրապետությունը գոյություն ուներ այլ երկրների շնորհիվ, այլ երկրների համար: Այսօր Հայաստանի Հանրապետությունը գոյություն ունի իր շնորհիվ՝ իր քաղաքացիների շնորհիվ, իր քաղաքացիների համար»:
«ՉԻ». Հայկական ռադիոյին հարցնում են՝ ո՞րն է աշխարհի ամենաանկախ երկիրը: Պատասխան՝ Մոնղոլիան, որովհետև նրանից ոչինչ կախված չէ:
Փաշինյանի, ընդգծում ենք՝ Փաշինյանի, ոչ թե քաղաքացիների շնորհիվ, Հայաստանը դարձել է մի երկիր, որից ոչինչ կախված չէ: Ինքն անկախությունն այդպես է պատկերացնում:
Պատերազմը տանուլ է տալիս, իրենից ոչինչ կախված չէ: Արցախը կորցնում է, իրենից ոչինչ կախված չէ:
Կարդացեք նաև
Այնքան անկախ է, որ պետության սահմանների մի մասում անգամ մեր քաղաքացիները չեն կարող մուտք գործել առանց ադրբեջանական կողմի «հսկողության»: Իր «շնորհիվ» գոյություն ունեցող պետությունը ունի տարածքներ, որտեղ իր քաղաքացիները վախով են ապրում, իր բանակը չի կարող լիարժեք տեղակայվել, իսկ անվտանգությունը պայմանավորված է այլ պետությունների խաղաղապահ կամ «սահմանապահ» ուժերի ներկայությամբ։
Մեկնաբանությունն ամբողջությամբ՝ «Չորրորդ իշխանություն»-ում
