Հասարակական գործիչ Լիաննա Պետրոսյանի ֆեյսբուքյան գրառումը
Այսօր տեղի է ունեցել հանդիպում Վաղարշապատի համայնքի ղեկավարի ժամանակավոր պաշտոնակատար Արգիշտի Մեխակյանի հետ։
Հանդիպմանը քննարկել ենք Վաղարշապատ համայնքում բնակվող Արցախից բռնի տեղահանված հայրենակիցների խնդիրները։
Քննարկված հարցերում առանցքային են բնակապահովման ծրագրի իրականացման խնդիրները, հատկապես՝ փոքր կազմով ընտանիքների՝ ծրագրից օգտվելու հնարավորությունները։
Կարդացեք նաև
Հանդիպման արդյունքներով պայմանավորվածություն է ձեռք բերվել՝ կարճ ժամանակահատվածում, օգտագործելով Կառավարության, ՏԻՄ-ի, մասնավոր հատվածի, ինչպես նաև միջազգային գործընկեր կազմակերպությունների ներուժը, մշակել ծրագիր, որի հաջողման դեպքում
էական հնարավորություն կստեղծվի՝ լուծել Վաղարշապատ համայնքում հաստատված մեր հայրենակիցների բնակարանային խնդիրները։
Միաժամանակ տեղեկացնում եմ, որ առաջիկայում լինելու է լայն հանդիպում տեղահանված մեր հայրենակիցների հետ՝ առարկայական քննարկելու բոլոր հարցերը, այդ թվում՝ բնակարանային, զբաղվածության և այլն։
Հանդիպման օրվա և ժամի մասին Վաղարշապատի համայնքապետարանը կտրամադրի լրացուցիչ տեղեկատվություն։
