ՀՀ կառավարության այսօր կայացած նիստում որոշում ընդունվեց Վահրամ Խաչատրյանին Արմավիրի մարզպետ նշանակելու մասին։
«Ինձ համար մեծ պատիվ է մարզպետի պաշտոնում աշխատել»,- ասաց Վահրամ Խաչատրյանը՝ շնորհակալություն հայտնելով Նիկոլ Փաշինյանին՝ իրեն վստահելու եւ պաշտոնի նշանակելու համար։
Հիշեցնենք, Վահրամ Խաչատրյանը Մեծամորի համայնքապետն էր։
Նա ՀՀԿ նախկին անդամ է։ ՀՀԿ-ին իր անդամությունը դադարեցնելու մասին հայտարարել էր 2018 թվականի իշխանափոխության օրերին։ ՀՀԿ-ն լքելուց հետո նա շատ արագ անդամագրվեց ՔՊ-ին։
Կարդացեք նաև
Կառավարության մեկ այլ որոշմամբ էլ ՔՊ-ական Արեն Մկրտչյանը նշանակվեց Լոռու մարզպետ։
«Ջանք չեմ խնայի մեր երազանքների Հայաստանի ու Լոռու մարզի կերտման գործում իմ ներդրումն ունենալու հարցում»,- ասաց Արեն Մկրտչյանը:
Հիշեցնենք, վերջինս ԱԺ ՔՊ խմբակցության պատգամավոր էր։
Նելլի ԳՐԻԳՈՐՅԱՆ