«Մեքենայի գնման մասով որեւէ արտառոց բան չկա: Հերթական գնումն է նախարարության կողմից իրականացվել: Նախարարությունը գնում է թե տրանսպորտային միջոցներ տարբեր ծառայությունների համար, թե այլ գույք: Հստակ իրականացվել է կոնկրետ պրոցես, որի արդյունքում կարիքն առաջացել է եւ գնումն իրականացվել է:
Ես անգամ չգիտեմ, թե ինչ տրանսպորտային միջոց է գնվելու, որովհետեւ մրցույթ է հայտարարված եւ գնահարցումների փուլում ենք գտնվում: Ինչ մեքենա որ ՆԳՆ գլխավոր քարտուղարի հայտարարած մրցույթի արդյունքում կգնվի, դա կսպասարկի ՆԳ նախարարին»,-Արփինե Սարգսյանի պատասխանն է լրագրողներին՝ Փրկարարի օրվա առթիվ Ազատության հրապարակում հատուկ տակտիկական ուսումնավարժանքից հետ կայացած ճեպազրույցում:
Աշոտ ՀԱԿՈԲՅԱՆ
