ԱԺ «Հայաստան» խմբակցության պատգամավոր Գեղամ Մանուկյանի ֆեյսբուքյան գրառումը
Հիմա կորստի մասին։ Թանկ կորուստ բոլորիս համար։ Մահացել է պոլսահայ մտավորական, արեւմտահայ գրականության, մամլո ջահակիր, Պոլսո «Մարմարա» թերթի խմբագիր Ռոբերտ Հատտեջյանը։
Հայաստանցիներս հանգուցյալի վաստակի, գործի, առաքելության մասին քիչ գիտենք։
Նա իր ուսերին կրեց դժվարին բեռ՝ Պոլսում հայերեն թերթի անխափան տպագրություն, պոլսահայ մտավորականության գործի շարունակում…
Հանգչիր խաղաղությամբ, սիրելի Խմբագրապետ, գնա հարազատ մարդկանցդ՝ Զահրատին, Զարիֆյանին ու մյուսներին միանալու։
Շատ հարցերում համաձայն չէինք, բայց հաճելի էր քեզ «Երկիր Մեդիայում» հյուրընկալել ու երկար զրույցներ ունենալ։
