Ռուսաստանի նախագահ Վլադիմիր Պուտինը շնորհավորել է Ռուսաստանի հայերի միությանը՝ հիմնադրման 25-ամյակի կապակցությամբ։
«Անցած տարիների ընթացքում Ռուսաստանի հայերի միությունը (ՌՀՄ) համախմբել է հայ համայնքները մեր երկրի ողջ տարածքում՝ բազմակողմանի, պահանջված գործունեությամբ և պետական մարմինների հետ արդյունավետ երկխոսությամբ զգալիորեն ամրապնդելով իր հեղինակությունը։
Ուրախալի է, որ դուք հետևողական աշխատանք եք իրականացնում՝ ուղղված ազգամիջյան հարաբերությունների ներդաշնակեցմանը, ռուսաստանյան հասարակության մեջ հայկական սփյուռքի ինտեգրմանը։ Մեծապես ձեր կազմակերպության ջանքերի շնորհիվ կյանքի են կոչվում բովանդակային մշակութային, կրթական, լուսավորչական նախագծեր, իրականացվում են կարևոր նախաձեռնություններ՝ երիտասարդական քաղաքականության և աճող սերնդի հայրենասիրական դաստիարակության ոլորտում։ Եվ, իհարկե, առանձնահատուկ կցանկանայի նշել այն նշանակալի աջակցությունը, որ ՌՀՄ-ն ցուցաբերում է հատուկ ռազմական գործողության մասնակիցներին, վետերաններին, նրանց ընտանիքներին և հարազատներին։
Համոզված եմ, որ այս տոնական միջոցառումները կանցնեն պատշաճ մակարդակով և կմեկնարկեն նոր հեռանկարային գաղափարներ ու նախաձեռնություններ», – նշված է Ռուսաստանի նախագահի հայտարարության մեջ։
Կարդացեք նաև
ՄԱՄՈՒԼԻ ՀԱՂՈՐԴԱԳՐՈՒԹՅՈՒՆ
