2024 թվականի ամռանից Նեպալի վարչապետի պաշտոնը զբաղեցնող Շարմա Օլին հրաժարական տվեց՝ Նեպալի մայրաքաղաքում սկսված անկարգությունների պատճառով:
Մամուլի տվյալներով՝ Օլին մնում է Կատմանդուում և գտնվում է անվտանգ պայմաններում։ Ընդդիմադիր Ազգային-դեմոկրատական կուսակցության բոլոր անդամները ևս հայտարարել են իրենց հրաժարականի մասին։ Երեքշաբթի օրը բողոքողները ներխուժել են Կատմանդուի կառավարական համալիր։ Նրանք հրկիզել են խորհրդարանի շենքը, իշխող «Նեպալի կոնգրես» կուսակցության կենտրոնական գրասենյակը և վարչապետի պաշտոնական նստավայրը։ Նեպալի բանակը նախարարներին դուրս է բերել նրանց կացարաններից ուղղաթիռների միջոցով։
Կատմանդուի միջազգային օդանավակայանը փակ է, բոլոր չվերթները՝ չեղարկված։ Բողոքողները ներխուժել են նաև Կատմանդուի Hilton հյուրանոցի շենք, որի տարածքում նկատվում է ծխածածկույթ:
Միջազգային լրատվամիջոցները հայտնում են, որ անկարգությունների պատճառով 19 մարդ է զոհվել:
