Ռուսաստանի Դաշնության Չիտա քաղաքում համատեղ ուսումնամարզական հավաքներ անցկացնելու նպատակով գտնվող բռնցքամարտի Հայաստանի երիտասարդական հավաքականը ավագ մարզիչ Կարեն Աղամալյանի ղեկավարությամբ հաջող մասնակցություն է ունեցել «Dauria Cup» միջազգային մրցաշարում:
Մեր տղաներից 54 կգ քաշային Վաղարշակ Քեյանը եւ +92 կգ՝ Տիգրան Խաչատրյանը մտել են եզրափակիչ ու մենամարտելու են հաղթողի կոչման համար: Բռնցքամարտիկներ՝ 48 կգ քաշային Էրիկ Սեմերջյանը, , 51 կգ՝ Վահրամ Դովլաթբեկյանը, 63 կգ՝ Անդրանիկ Մարտիրոսյանը, 67 կգ՝ Արգիշտի Հակոբյանը, 80 կգ՝ Ալբերտ Հարությունյանը եւ 92 կգ՝ Սարգիս Անդրեասյանը, տուն են վերադառնում բրոնզե մեդալով:
Աշոտ ՀԱԿՈԲՅԱՆ
