«Այսօր շատերը չեն հասկանում, թե մենք ինչու ենք ակնհայտ որոշումներ կայացնում, որ մեզ չեն ծափահարում, առնվազն կարճաժամկետում չեն ծափահարում։ Մի պարզ պատճառով՝ մեր խնդիրն այն չէ, որ այսօր մենք ապահովենք անվտանգություն, խաղաղություն, հետո 10 տարի հետո հերթական պայթյունը տեղի ունենա, եւ ոտքերս գցենք ոտքերիս, մուշտուկը դնենք բերաններիս, ասենք՝ տեսա՞ք, որ մենք ասում էինք»,- այսօր «Համապարփակ անվտանգություն եւ դիմակայունություն-2025» միջազգային համաժողովում ասաց Նիկոլ Փաշինյանը։
Նա հավելեց. «Մեր խնդիրն այն է, որ մենք այսօր կայացնենք այն որոշումները, որոնք ոչ միայն այսօր են մեր անվտանգությունն ապահովելու, այլ ապահովելու են հարյուրամյակով։ Մենք անհարիր ենք համարում մեզ համար եւ որեւէ իշխանության համար մտածել շաբաթով, ամսով, տարիով, նույնիսկ տասնամյակով»։
Նիկոլ Փաշինյանը կրկնեց իր նախկինում արված հայտարարությունը, թե «Հայաստանի ու Ադրբեջանի միջեւ խաղաղություն է հաստատվել»։
«Թող այսօր մեզ համարեն դավաճան, բայց մեր գործունեության արդյունքում 50 տարի հետո, 100 տարի հետո Հայաստանը դառնալու է պետություն։ ՀՀ-ն իր անկախության ընթացքում երբեք այսքան անվտանգ չի եղել, քան այսօր է»,- հայտարարեց նա։
Կարդացեք նաև
Ռոզա ՀՈՎՀԱՆՆԻՍՅԱՆ
