Հայ ազգային կոնգրեսի փոխնախագահ Լեւոն Զուրաբյանը ֆեյսբուքյան իր էջում մասնավորապես գրել է
Ստեփան Զորյանի «Ցանկապատ»-ը աննշան մի հողակտորի համար երկու հայ գյուղացու միջև համառ կռվի մանրախնդիր ագահության մասին պատմվածք է, որն այնքան սեևեռուն է, որ շարունակվում է ընդհուպ մինչև ազգային արհավիրքի` թուրքական բանակի ներխուժման սկիզբը: Եվ ահա «Իրական Հայաստանի» նորաթուխ պրոպագանդիստը որոշում է ներկայացման հեղինակների ներկայությամբ «տիեզերական մասշտաբի և նույնքան տիեզերական հիմարության խորհուրդներ» (Բուլգակով, «Շան սիրտը») տալ, որ Զորյանի արվեստի ուղերձը պիտի փոխվի, և ոչ թե «ցանկապատների տապալումով» Հայաստանը միավորվի, այլ Կիրանցի ցանկապատի կառուցումով Հայաստանը կայանա:
Հետո պարզվում է նաև, որ արվեստագետների նկատմամբ խրուշչովյան այս ջարդարարությունը պատահական դրվագ չէր և շրջանառության մեջ է դրվել Հայաստանի արվեստը այսուհետև «Իրական Հայաստան»-ի «գաղափարախոսությանը» ենթարկելու կառավարության որոշման նախագիծը:
Սա արդեն կլոունություն էլ չի, սա Հայաստանում «կուլտուրական հեղափոխություն» իրականացնելու ադրբեջանական գործողություն է, որի ղեկավարումը վստահվել է փաշինյանական երիտ-ՔՊականներին:
Կարդացեք նաև
Իսկ մենք Սովետական Միությունից անկախանալու և կոմունիստական ռեժիմից ազատագրվելու համար պայքարել ենք ոչ նրա համար, որ այսօր այս կիսագրագետ հտպիտները ազգային ինքնանվաստացման տկարամիտ «գաղափարախոսությունը» փաթաթեն մեր վզին որպես դեպի պայծառ ապագա առաջնորդող չուչխե:
