«Ես լրագրող եմ եղել, աշխատում էի Գերմանիայում 1990-ականների սկզբին: Ես շատ լավ հիշում եմ, որ ամեն օր պատերազմական իրավիճակ էր, եւ մենք ներկայացնում էինք այն ամենը, ինչ տեղի էր ունենում: Ես շատ բարձր եմ գնահատում ձեր աշխատանքը եւ շնորհակալ եմ հետաքրքրություն ցուցաբերելու համար: Չեմ կարծու, թե ժողովրդավարությունն իրական կլինի առանց ձեզ: Դուք գիտեք՝ ինչպես ներկայացնել այն ամենը, ինչ տեղի է ունենում երկրում»,- ՀՀ հինգ լրատվամիջոցների մասնակցությամբ մամուլի ասուլիսի ժամանակ ասաց ԵՄ ընդլայնման հարցերով հանձնակատար Մարթա Կոսը:
«Սա իմ առաջին այցն է, ու վերջինը չի լինելու, մենք ԵՄ դեսպանի հետ արդեն պայմանավորվել ենք, թե էլ ինչ պետք է արվի, ու ավելին կանենք»,-ասաց ԵՄ ընդլայնման հարցերով հանձնակատարը:
Ինչ վերաբերվում է հարցին, թե ԵՄ-ն ի՞նչ աջակցություն է պատրաստ հատկացնել Հայաստանին՝ դիմագրավելու Ռուսաստանի հնարավոր պատժամիջոցները, կամ գուցե պատրաստ չէ Հայաստանի համար նման բեռ վերցնել, Մարթա Կոսը հետևյալ կերպ արձագանքեց. «Ամեն ոք ունի իրավունք իր ճակատագիրն ընտրելու եղանակը: Հայաստանը շատ բան է արել Ադրբեջանի հետ խաղաղության համաձայնագրի շրջանակներում:
Կարդացեք նաև
Իհարկե, կա տարբերություն ռուսական մոտեցման եւ եվրոպական ձեւի մեջ; Եվրոպական մոտեցումն այն է, որ մեզ հետաքրքիր է տեսնել ձեր տնտեսությունն ամուր, ձեր հասարակությունը՝ զարգացած: Մենք ուզում ենք, որ Հայաստանն ունենա ամուր եւ դիմակայուն հաստատություններ, որոնք ի վիճակի կլինեն պաշտպանել ժողովրդավարությունը, ազատ մեդիան եւ քաղաքացիական հասարակությանը: Միաժամանակ ունենք կոնցեպտ: Եվ միայն Հայաստանում չէ, որ ունենք այս ենթատեքստը Ռուսաստանի կողմից: Մենք տեսնում ենք, որ տարբեր վայրերում նույնպես դա առկա է: Կարծես մրցակցություն լինի եվրոպական մոտեցումների առումով:
Ռուսաստանը չի ցանկանում այլ երկրներին տեսնել տնտեսապես կայուն, ամուր ժողովրդավար, որովհետեւ այդ դեպքում հնարավոր չի լինի վերահսկել: Մինչդեռ մենք ունենք շատ ծրագրեր, որոնք կօգնեն ոչ միայն կառավարությանը: Երեկ հայտարարեցի ավելի քան 200 մլն եվրո աջակցության մասին՝ դիմակայության եւ աճի ծրագրի շրջանակում: Սա ֆինանսական գործիք է , որը շատ բան է ասում, սա դիմակայունության եւ աճի մասին է, ինչը մենք ուզում ենք Հայաստանում տեսնել: Խաղաղության պայմանագիրը շատ օգտակար է: Մենք տեսնում ենք զարգանալու ուժեղ հնարավորություններ՝ Եվրոպայի, Կենտրոնական Ասիայի միջեւ. միաժամանակ տնտեսություն, էներգետիկա, ենթակառուցվածքներ, թվային ոլորտ:
Ինչպես դարձնել Հայաստանն ավելի ամուր, ավելի ժողովրդավար: Մենք նոր սկսել ենք այս հարաբերություները զարգացնել, եւ կարող ենք ավելին անել ձեր երկր համար: Մենք պետք է օգնենք դիվերսիֆիկացնել երկրի տնտեսությունը, պետք է օգնենք ստանդարտների մշակման հարցում, որոնց շնորհիվ ձեր ընկերությունները արտահանելու հնարավորություն կունենան ոչ միայն Եվրոպա, այլեւ աշխարհի այլ երկրներ»,-նշեց Մարթա Կոսը:
Նա նաեւ ընդգծեց. « Պետք է բաց չթողնենք այս պատմական պահը: Պետք է միասին կառուցենք ամուր Հայաստան: Ինչպես ձեր վարչապետ Փաշինյանն ասաց իր ելույթում՝ ԵՄ անդամակցությունը կարեւոր է, նաեւ կարեւոր է տարածաշրջանային քաղաքականությունը պահպանելը:
Շատ քաղաքական գործիչների հանդիպեցի,նաեւ քաղհասարակության ներկայացուցիչների, եւ ասացի, որ այն պահից սկսած, երբ տեսնենք ձեր ժողովրդի կամքը քայլելու դեպի Եվրոպա, պետք է լինի իմ պատասխանատվությունը, որովհետեւ ես հանձնակատար եմ, պորտֆելի մեջ Հայաստանն է, պրոցեսը լինելու շարունակական: Շատ ուրախ եմ, որ Խաղաղության համաձայնագիրը Հայաստանի եւ Ադրբեջանի միջեւ մեծ հեռանկարներ է բացելու ոչ միայն ձեր երկրի համար, այլեւ տարածաշրջանային կապակցվածութան առումով»:
Մանրամասն՝ տեսանյութում ավելի ուշ.
Տաթեւ ՀԱՐՈՒԹՅՈՒՆՅԱՆ
