«Ես պաշտոնի համար, ինչ-որ հիմա ճշմարտությունը տեսնում եմ՝ նախկին ու ներկա՝ իրար հետ, որ այս ամենը կազմակերպել են, երբեք իրենց հետ ճանապարհ չեմ գնա»,- Հակակոռուպցիան դատարանի մոտ, լրագրողների հետ զրույցում ասաց Գյումրու քաղաքապետ Վարդան Ղուկասյանը՝ պատասխանելով առաջիկա խորհրդարանական ընտրություններին ինչ-որ քաղաքական ուժի միանալու մասին հարցին։ Բայց, ընդհանուր առմամբ, ասաց՝ հիմա պատրաստ չէ այդ հարցին պատասխանելու, իրեն պետք է մի քիչ համբերել՝ հետո կերեւա՝ ինքը նոր ուժ կձեւավորի՞, թե ինչ-որ մեկին կպաշտպանի։ Եթե պաշտպանի էլ ինչ-որ մեկին, ապա դա լինելու է միայն «ազգային, ազգի շահերը պաշտպանող» մեկը։ Նա չբացառեց, որ կրկին կոմունիստական կուսակցության հետ գնա ընտրությունների, ինքը հավանում էր կոմունիստական Հայաստանը, այդ տնտեսական համակարգն արդար է համարում։
Գործարար, բարերար, կալանքի տակ գտնվող Սամվել Կարապետյանի մտերիմների կողմից ձեւավորվող «Մեր ձեւով» շարժման մասին հարցին էլ պատասխանեց․ «Տղեն հայոց ազգի համար առաջին բարերարների շարքին է դասվում, նմանատիպ տղերքին, եթե մենք չենք հարգում, բա ո՞ւմ ենք հարգում։ Գեներալին չենք հարգում, բժիշկներին չենք հարգում, բա ո՞ւմ ենք հարգում»։
Հարցին՝ Փարիզում տուն ունեք, պատասխանեց, որ ոչ։ Լրագրողը շարունակեց՝ ՔՊ-ականներն ասում են` բա ինչի՞ ՌԴ-ում տուն չի առել, Փարիզում է առել, հակադարձեց․ «Թող խոսեն էլի, ցնդաբանական խոսում են։Ասում են` եթե ձեզ վատաբանում են, զրպարտում են, այնքան դուք Աստծո մոտ տեղ ունեք։ Թող խոսեն, ինչքան մեզ զրպարտեն, էնքան մեր մեղքերին թողություն կտա»։
Մանրամասները՝ տեսանյութում.
Կարդացեք նաև
Նելլի ԳՐԻԳՈՐՅԱՆ
