«Լավ գիտեք՝ կարող է էդպես հայտարարել, հետո լրիվ ուրիշ բան անել, բայց ընդհանուր առմամբ ժողովրդի ցասումը ոչ ոք չի կարող զսպել։ Այս լսումների նպատակն է բացատրել՝ ինչու կա այդ ցասումը»,- ՀՀ վարչապետ Նիկոլ Փաշինյանին հեռացնելու օրակարգով «Պատիվ ունեմ» խմբակցության հրավիրած խորհրդարանական լսումների առաջ լրագրողների հետ զրույցում ասաց ՀՀ նախկին վարչապետ Հրանտ Բագրատյանը՝ անդրադառնալով Նիկոլ Փաշինյանի այն հայտարարություններին, որ եթե ժողովուրդն իր հետ համաձայն չլիներ, հեղափոխություն կաներ։
Ըստ Հրանտ Բագրատյանի՝ իմպիչմենտի գործընթացին զուգահեռ կարող է նաև փողոցային պայքար լինել։
Ըստ նրա՝ ժողովրդին լավ չեն բացատրել, թե ինչու պետք է Նիկոլ Փաշինյանը հեռանա․ «Դուք գիտեք, որ Մեղրին զիջելը շատ ավելի սարսափելի հետևանքներ է ունենալու, քան Արցախը։ Սա չեն բացատրել»։
Ըստ Հրանտ Բագրատյանի՝ Թրամփի ուղի չկա, այլ կա Ադրբեջանի միջանցք։
Կարդացեք նաև
Լրագրողների փաստմանը՝ Նիկոլ Փաշինյանը խոսում է չորրորդ հանրապետության մասին, Հրանտ Բագրատյանն այսպես արձագանքեց․ «Մի երկու տարի առաջ էլ Արմեն Սարգսյանն էր ասում՝ 4-րդ հանրապետություն, Խաչատրյանն էլ մի օր ասաց՝ հինգերորդ հանրապետություն։ էդ բոլորը ցույց է տալիս, որ էդ մարդիկ մինչև հինգը լավ հաշվում են»։
Տաթև ՀԱՐՈՒԹՅՈՒՆՅԱՆ
