Լեհաստանի Արտաքին գործերի նախարարությունը խորհուրդ է տվել իր քաղաքացիներին անհապաղ լքել Բելառուսը և ձեռնպահ մնալ այդ երկիր մեկնելուց, հայտնել է Մինսկում Լեհաստանի դեսպանատունը։ Այս մասին հայտնում է TASS-ը:
«Արտաքին գործերի նախարարությունը խորհուրդ է տալիս ձեռնպահ մնալ Բելառուսի Հանրապետության բոլոր այցերից <…> և կոչ է անում Լեհաստանի այն քաղաքացիներին, ովքեր ներկայում գտնվում են Բելառուսի Հանրապետությունում, անհապաղ լքել նրա տարածքը», — ասված է դեսպանատան հաղորդագրությունում։
Որպես այդ հորդորի պատճառ՝ Մինսկում Լեհաստանի դեսպանատունը նշել է սահմանին լարված իրավիճակը և «Լեհաստանի քաղաքացիների կամայական ձերբակալությունները»։
Լեհաստանը սեպտեմբերի 12-ի գիշերը փակել էր Բելառուսի հետ գործող բոլոր անցակետերը։
Կարդացեք նաև
Բացի Տերեսպոլի ուղևորափոխադրումների անցակետից, դադարեցվել էր նաև երթևեկությունը «Կուկուրիկի-Կոզլովիչի» բեռնափոխադրումների , ինչպես նաև նաև երկաթուղային ևս 3 անցակետերում՝ «Կուզնիցա Բյալոստոցկա»-«Գրոդնո», «Սեմյանովկա»-«Սվիսլոչ» և «Տերեսպոլ»-«Բրեստ»։
Այս որոշման մասին սեպտեմբերի 9-ին հայտարարել էր վարչապետ Դոնալդ Տուսկը՝ այն կապելով Բելառուսի և Ռուսաստանի համատեղ «Զապադ 2025» զորավարժությունների հետ, որոնք անցկացվել են սեպտեմբերի 12-16-ը։
Սեպտեմբերի 25-ի գիշերը Լեհաստանը վերաբացել է սահմանը՝ թույլ տալով երթևեկությունը դեպի իր տարածք։
