Հայաստանի Հանրապետությունում Չեխիայի Հանրապետության դեսպան Պետր Պիրունչիկը ընդունելություն էր կազմակերպել Չեխիայի ազգային տոնի առիթով, ինչպես նաեւ փոխդեսպան Սաբինա Նովակովայի պատվին, որն ավարտում է առաքելությունը Հայաստանում:
«Հաջորդ կայարանը՝ Պրահա»,-հայերեն ասաց տիկին Նովակովան: Պարոն Պիրունչիկն էլ նշեց, որ չի ցանկանում երկար ու ձանձրալի տեքստեր ասել, իսկ չեխ-հայկական հրաշալի հարաբերությունների մասին, նրա խոսքով, վկայում են ներկաների ժպիտներն ու Չեխիայի բարեկամների մեծ թիվը:
Կարդացեք նաև
Սովորաբար սեպտեմբերի 28-ին Չեխիայում նշվում է Չեխիայի պետականության ազգային տոնը, որը նաև հայտնի է որպես «Սուրբ Վացլավի տոն»:
Ի թիվս այլոց, միջոցառմանը մասնակցում էր նաեւ Աշխատանքի եւ սոցիալական հարցերի նախարար Արսեն Թորոսյանը, որը չեխական գարեջրով խմեց Չեխիայի կենացը:
Հայաստանում Չեխիայի դեսպանն ասաց, որ ցանկացած ընդունելություն սկսվում է ազգային օրհներգով, եւ այժմ ներկաները հնարավորություն ունեն լսելու Չեխիայի եւ Հայաստանի օրհներգերի նոր՝ ջազային մեկնաբանությունը: Դրանց կատարմանը մասնակցեց նաեւ Պետր Պիրունչիկը՝ իր սաքսոֆոնով:
Դեսպանն ասաց, որ գործիքավորումը կատարել է իր ընկերը՝ հրաշալի ջազային երաժիշտ, կոմպոզիտորեւ սաքսոֆոնահար Արմեն Հյուսնունցը: «Հպարտ եմ լինել նրա ընկերը»,-ասաց դեսպանը:
Գոհար ՀԱԿՈԲՅԱՆ
