Հայ Առաքելական Սուրբ եկեղեցին նշեց Վարագա Սուրբ Խաչի տոնը:
Տոնի առիթով, Ամենայն Հայոց Կաթողիկոսի Հայրապետական տնօրինությամբ ու Արագածոտնի Թեմի Առաջնորդ Գերաշնորհ Տեր Մկրտիչ եպիսկոպոս Պռոշյանի օրհնությամբ, ի ուրախություն ամենքիս, առաջին անգամ Ագարակի Սուրբ Աստվածածին խոնարված եկեղեցի Մայր Աթոռ Սուրբ Էջմիածնից բերվեց Մեր Տեր Հիսուս Քրիստոսի կենարար Խաչափայտի Մասունքը:
Հանդիսավոր թափորի ուղեկցությամբ մասունքը տարվեց եկեղեցի և մատուցվեց տոնական Սուրբ և Անմահ Պատարագ:
Պատարագը մատուցեց Կոշի Սուրբ Ստեփանոս վանքի վանահայր՝ Հոգեշնորհ Տեր Շնորհք աբեղա Պալոյանը:
Կարդացեք նաև
Սուրբ Պատարագին աղոթակից էին հոգևորականներ, Ղազարավանի մենաստանի միանձնուհիները և Սուրբ Մասունքի զորությանն հաղորդ դառնալու համար Հայաստանի տարբեր վայրերից Ագարակ եկած բազմաթիվ ուխտավոր հայորդիներ:
Խաչափայտի կենարար մասունքը՝ զետեղված 18-րդ դարից Վանից բերված մասանց պահարանում, Ագարակում էր համախմբել Վանի տարածաշրջանի ագարակցիներին:
