«Փաստինֆո». Ադրբեջանը սեփական հանցագործությունները հայկական կողմին վերագրելու ուողղությամբ ակտիվ աշխատանքը շարունակում է։ Գերության մեջ գտնվող հայերի հանդեպ շինծու մեղադրանքներով դատական նիստը շարունակվել է այսօր, որի ժամանակ ընթերցել են «փաստաթղթեր»։
Ագրեսոր երկրի դատական այսօրվա նիստի ժամանակ փորձ է արվել քաղաքացիական անձանց հանդեպ թույլ տված իբրև ինչ-որ ռազմական հանցագործություններ «կարել» հայկական կողմի վրա, թե, իբր, 2016 թ. ապրիլյան քառօրյա պատերազմի ժամանակ «գույքային ու մարմնական վնաս ենք հասցել Ադրբեջանի քաղաքացիական բնակչությանը»։
Ադրբեջանը, որը վերջին տասնամյակում բոլոր ռազմական բախումների ժամանակ բացառապես ինքն է եղել նախահարձակ ու անտեսել մարդասիրական բոլոր նորմերը, պնդում է, թե, իբր, 2016թ. քառօրա պատերազմի ժամանակ հայկական կողմը թիրախավորել է կրթական ու բժշկական հաստատություններ։
Դրա հետ մեկտեղ օկուպանտ Ադրբեջանը սեփական հրեշավոր քայլերը՝ արգելված զենքի օգտագործումը վերագրել է հայկական կողմին՝ իբրև «սպիտակ ֆոսֆոր պարունակող արկեր են կիրառվել հայկական կողմից»։
Կարդացեք նաև
Ռազմական ու մարդկության դեմ հանցանքների համար այդպես էլ պատասխան չստացած Ադրբեջանը հերթով իր բոլոր հանցանքները նկարագրում է՝ այդ ամենը ներկայացնելով հայկական կողմի քայլեր։
