Factor.am-ը Թագուհի Ղազարյանի և Սիսակ Գաբրիելյանի՝ «Տեսալսողական մեդիայի մասին» օրենքում փոփոխություն կատարելու մասին նախագծից տեղեկանում է, որ նրանք առաջարկում են կրճատել հանրային կարգավիճակ ունեցող հեռուստաալիքների թիվը։
Նախագծով առաջարկվում է հետևյալ փոփոխությունը․ «Հանրային հեռարձակողների թիվը չի կարող պակաս լինել երկուսից»,-նշված է նախագծում։
Գործող օրենքով սահմանված է, որ հեռարձակողների թիվը չի կարող պակաս լինել երեքից։
Նշենք, որ Հանրային երեք ալիքներն են՝ «Առաջին ալիքը», որպես հիմնական հեռարձակող, հոգևոր-մշակութային «Շողակաթ» ալիքը և «Լուրեր» լրատվական ալիքը։ Պատգամավորները կարծում են, որ հանրային երեք հեռարձակող ունենալը առաջացնում է որակի հետ կապված խնդիրներ։
Կարդացեք նաև
Նախագծում նշված չէ, թե հանրային երեք ալիքներից որ մեկի գործունեությունն է դադարեցվելու։ Այս հարցը արդեն ՀՌՀ-ի տիրույթում է։
Այդուհանդերձ, հաշվի առնելով վերջին շրջանում իշխանության և բարձրաստիճան հոգևորականների միջև լարվածությունը՝ կարելի էր ենթադրել, որ ՔՊ-ականների նախաձեռնությունն ուղղված է «Շողակաթ» հեռուստաալիքի դեմ։
«Շողակաթ» հեռուստաընկերությունը հիմնադրել է Մայր Աթոռը և հանդիսանում է հիմնական ֆինանսավորողը ու գույքի սեփականատերը։
Նարեկ Կիրակոսյան
Նյութն ամբողջությամբ՝ սկզբնաղբյուր կայքում:
