«ՀՀ անկախությունը եւ ինքնիշխանությունն անսակարկելի են, եւ պետք չէ ամեն անգամ այս ամբիոնն օգտագործել եւ մեզ մեղադրել ինչ-որ պետականության դեմ գործելու կամ անկախության արժեքը չգնահատելու համար։ Եթե մի քիչ ձեզ նեղություն տաք ու նայեք, դուք կտեսնեք՝ անկախությունն ով է ավելի գնահատում։ Հերիք է այս ամբիոնն օգտագործեք՝ մարդկանց մանիպուլյացիայի ենթարկելու համար։ Ի՞նչ եք ամեն անգամ գալիս ու ստեղ ավել-պակաս բաներ խոսում» ,- ԱԺ նստաշրջանում ՔՊ խմբակցությանը դիմեց «Հայաստան» խմբակցության պատգամավոր Գառնիկ Դանիելյանը։
Նա նշեց, որ վերջին մեկ շաբաթվա ընթացքում 4 սպանություն է գրանցվել երկրում, հանցավորության վիճակը մտահոգիչ է։ «Փոխանակ իշխող ուժը զբաղվի ոչ թե վարչության պետ աշխատանքից ազատելով, այլ խնդիրները վեր հանելու, քաոտիկ իրավիճակը կարգավորելու գործով, ես ապշած եմ ձեր վերաբերմունքից։ Հանցագործությունների կրկնակի աճ, նայեք վիճակագրական տվյալները, սա ահասարսուռ պատկեր է։ Դուք փոխանակ զբաղվեք այս խնդիրները լուծելով, զբաղված եք ընդդիմադիրներին հետապնդելով։ Տնից դուրս ենք գալիս, մի քանի օպերատիվ աշխատող մեր հետեւից ֆռում է»,- ասաց նա։
Անդրադառնալով Փարաքարի համայնքապետ Վալոդյա Գրիգորյանի սպանությանը՝ Գառնիկ Դանիելյանն ասաց, որ պետք է իրապես քննություն գնա, եւ բոլոր մեղավորները պետք է պատժվեն։
Մանրամասները՝ տեսանյութում
Կարդացեք նաև
Գառնիկ Դանիելյանը հավելեց, որ տարբեր ահազանգեր են ստացվում՝ դպրոցներում թմրանյութերի շրջանառության մասին։ Եվ այս ուղղությամբ դարձյալ աշխատանք չի տարվում։
Ամբողջական տեսանյութը՝ այստեղ
Ռոզա ՀՈՎՀԱՆՆԻՍՅԱՆ
