«Ադրբեջանը մեծացնում է իր ռազմական բյուջեն, Հայաստանը փոքրացնում է իր ռազմական բյուջեն, ես բացատրություն չունեմ։ Դուք ինձ հարց եք տալիս, որը ողջամտության շրջանակներում հնարավոր չէ պարզաբանել։ Ես չեմ hասկանում՝ ինչո՞ւ են սա անում։ Կարող ենք միայն ենթադրության դաշտ մտնել ու ասել հետեւյալը՝ դա անում են, որովհետեւ Ալիեւը մի քանի անգամ ասել է, որ թույլ չի տալու Հայաստանի միլիտարիզացումը։ Մենք չգիտենք՝ փակ դռների հետեւում իրենք ինչ են խոսում, ինչ կարգի պարտավորություններ է բանավոր կարգով ստանձնում Նիկոլ Փաշինյանը։ Մենք պետք է ենթադրենք, թե ինչ է խոստացել։ Սա անպատասխանատու քայլ է, որը չի բխում ՀՀ անվտանգությունն ամրապնդելու շահերից»,- այսօր հրավիրած ասուլիսում ասաց ՀՀ երկրորդ նախագահ Ռոբերտ Քոչարյանը։
Մանրամասները՝ տեսանյութում
Ըստ նրա՝ կայուն խաղաղությունն այն խաղաղությունն է, որը հիմնված է ուժերի բալանսի վրա։ «Եթե խաղաղությունը հենված չէ ուժերի բալանսի վրա, ուրեմն այդ խաղաղությունը կախված է կողմերից մեկի բարի կամքից։ Իսկ ես այդ բարի կամքը չեմ տեսել Ադրբեջանի կողմից»,- ասաց նա։
Կարդացեք նաև
Ամբողջական տեսանյութը՝ այստեղ
Ռոզա ՀՈՎՀԱՆՆԻՍՅԱՆ
